ಶಹಾಪುರದಲ್ಲಿ ಕಾರ್ಯಕರ್ತರ ಬೃಹತ್ ಸಮಾವೇಶ : 70 ವರ್ಷಗಳಲ್ಲಿ ಕಾಂಗ್ರೆಸ್ ಪಕ್ಷ ಮಾಡಿದ ಸಾಧನೆಗಳನ್ನು ತೋರಿಸುತ್ತೇವೆ ಚರ್ಚೆಗೆ ಬನ್ನಿ ಬಿಜೆಪಿಗೆ ಸವಾಲು ಹಾಕಿದ ಮಲ್ಲಿಕಾರ್ಜುನ ಖರ್ಗೆ

ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಮೊದಲು ಕ್ಯಾಬಿನೆಟ್ ಸಭೆಯಲ್ಲಿ ಕಾಂಗ್ರೆಸ್ ಗ್ಯಾರಂಟಿಗಳಾದ 

 ತಿಂಗಳಿಗೆ ಎರಡು ನೂರು ಯುನೀಟ್ ಉಚಿತ ವಿದ್ಯುತ್, ಗೃಹಲಕ್ಷ್ಮಿ ಯೋಜನೆಯಡಿ ಮನೆಯ ಯಜಮಾನಿಗೆ ತಿಂಗಳಿಗೆ 2000 ರೂ, ಪ್ರತಿ ಕುಟುಂಬಕ್ಕೆ ತಿಂಗಳಿಗೆ 10 ಕೆಜಿ ಅಕ್ಕಿ ಉಚಿತ, ಪದವೀಧರರಿಗೆ 3000 ರೂ ಮತ್ತು ಡಿಪ್ಲೋಮೋ ಪದವಿದರರಿಗೆ 1500 ರೂ ಗೌರವಧನ, ಮಹಿಳೆಯರಿಗೆ ರಾಜ್ಯಾದ್ಯಂತ ಉಚಿತ ಬಸ್ ಪಾಸ್ ವಿತರಿಸಲಾಗುವುದು ಎಂದು ಎಐಸಿಸಿ ಅಧ್ಯಕ್ಷರಾದ ಮಲ್ಲಿಕಾರ್ಜುನ ಖರ್ಗೆ ತಿಳಿಸಿದರು.

” ನನ್ನ ಅಭಿವೃದ್ಧಿ ಕೆಲಸ ನೋಡಿ ಮತ ಕೊಡಿ. ರಾಜ್ಯದಲ್ಲಿ ಬಿಜೆಪಿ ಪಕ್ಷ ಐದು ವರ್ಷಗಳಲ್ಲಿ ಯಾವುದೇ ಅಭಿವೃದ್ಧಿ ಕಾರ್ಯ ಮಾಡದೇ ಸುಳ್ಳು ಹೇಳುತ್ತಾ ಬಂದಿದೆ. ಬಡವರಿಗೆ ರೈತರಿಗೆ ಮೋಸ ಮಾಡುತ್ತಾ, ನಿರುದ್ಯೋಗ ಸೃಷ್ಟಿ ಮಾಡಿದೆ. ವಾಮ ಮಾರ್ಗದಲ್ಲಿ ಅಧಿಕಾರಕ್ಕೆ ಬಂದವರು. ಭ್ರಷ್ಟತೆಯಿಂದ ಅಧಿಕಾರ ನಡೆಸಿದರು.

ನನ್ನ ಕ್ಷೇತ್ರದಲ್ಲಿ ಶೇಕಡ 90ರಷ್ಟು ಅಭಿವೃದ್ಧಿ ಮಾಡಿದ್ದೇನೆ. ವಿರೋಧ ಪಕ್ಷದಲ್ಲಿದ್ದು,ಸುನ್ನತಿ ಭೀಮಾನದಿಯಿಂದ ಶಾಶ್ವತ ಕುಡಿಯುವ ನೀರಿನ ಯೋಜನೆ, ನಗರದಲ್ಲಿ ಶುದ್ಧ ಕುಡಿಯುವ ನೀರಿನ ಘಟಕಗಳ ನಿರ್ಮಾಣ, ಮಾಡೆಲ್ ಡಿಗ್ರಿ ಕಾಲೇಜು, ಕೆರೆಗೆ ನೀರು ತುಂಬುವುದು,

 ರಸ್ತೆ ಅಭಿವೃದ್ಧಿ, ನಗರದಲ್ಲಿ ಹಲವು ಬ್ರಿಡ್ಜ್ ನಿರ್ಮಾಣ, ಬೂದಿನಾಳ – ಪಿರಾಪುರ ಯೋಜನೆ, ಕೆಂಭಾವಿ ನಗನೂರು ಆಸ್ಪತ್ರೆಗಳು ಮೇಲ್ದರ್ಜೆ, ಅಲ್ಪಸಂಖ್ಯಾತ ಮುರಾರ್ಜಿ ಶಾಲಾ ಸುಧಾರಣೆ, 20 ಎಕರೆ ಜಾಗದಲ್ಲಿ 800 ನಿವೇಶನಗಳಂತೆ 500 ನಿವೇಶನಗಳಿಗೆ ವಿದ್ಯುತ್, ಸಿಸಿ ರಸ್ತೆ, ಸೇರಿದಂತೆ ಮೂಲಭೂತ ಸೌಕರ್ಯಗಳನ್ನು ಒದಗಿಸಿಕೊಡಲಾಗಿದೆ. ಐದು ವರ್ಷದಲ್ಲಿ ವಾರದಲ್ಲಿ ರವಿವಾರ ಹೊರತುಪಡಿಸಿ ಎಲ್ಲ ದಿನಗಳಲ್ಲಿಯೂ ಕ್ಷೇತ್ರದ ಜನರ ಮಧ್ಯೆ ಸೇವೆ ಮಾಡಿದ್ದೇನೆ.ಮುಂದಿನ ಐದು ವರ್ಷಗಳಿಗೆ ಕ್ಷೇತ್ರದ ಅಭಿವೃದ್ಧಿಗಾಗಿ ನನ್ನ ಅಭಿವೃದ್ಧಿ ಕೆಲಸ ನೋಡಿ ಮತ ನೀಡಿ. 

* ಶರಣಬಸಪ್ಪಗೌಡ ದರ್ಶನಾಪುರ

ಶಾಸಕರು ಶಹಾಪುರ ಮತ ಕ್ಷೇತ್ರ