Yadagiri ಶಹಾಪುರ : ಮಹಾ ಮಾನವತಾವಾದಿ, ವಚನಕಾರ, ದಾರ್ಶನಿಕರಾದ ಶ್ರೀ ಮೌನೇಶ್ವರ ಜಯಂತಿ ಕಾರ್ಯಕ್ರಮವನ್ನು ಶಹಪುರದ ಶ್ರೀ ಕಾಳಿಕಾದೇವಿ ದೇವಸ್ಥಾನದಲ್ಲಿ ದಿನಾಂಕ 26.12.2023 ರಂದು ಮಂಗಳವಾರ ಹಮ್ಮಿಕೊಳ್ಳಲಾಗಿದೆ ಎಂದು ವಿಶ್ವಕರ್ಮ ಸಮಾಜದ ಅಧ್ಯಕ್ಷರಾದ ಲಕ್ಷ್ಮಣ ಕಂಬಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಅಂದು ಪ್ರಾತಃಕಾಲ ಶ್ರೀ ಕಾಳಿಕಾದೇವಿಗೆ ವಿಶೇಷ ಪೂಜೆ ನಡೆಯಲಿದ್ದು ಬೆ. 11.00 ಗಂಟೆಗೆ ಮೌನೇಶ್ವರರ ಪೂಜೆ ಪ್ರಸಾದ, ಅಲಂಕಾರ ಮಾಡಲಾಗುವದು. ನಂತರ ಪುಷ್ಪಾಲಂಕೃತ ತೊಟ್ಟಿಲು ಪೂಜೆ ಹಾಗೂ ಸುವಾಸಿನಿಯರ ಪೂಜೆ ನೆರವೇರುವದು.ಈ ಪ್ರಯುಕ್ತ ನಡೆಯುವ ಧರ್ಮಸಭೆಯ ಸಾನಿಧ್ಯವನ್ನು ಶಹಪುರ ಏಕದಂಡಿಗಿಮಠದ ಅಜೇಂದ್ರಸ್ವಾಮಿಗಳು ಹಾಗೂ ಕಾಳಹಸ್ತೇಂದ್ರ ಸ್ವಾಮಿಗಳು ವಹಿಸಲಿದ್ದು ವಿರುಪಾಕ್ಷ ಸ್ವಾಮಿಗಳು ಉಪಸ್ಥಿತರಿರುತ್ತಾರೆ.ಶಹಪುರ ನಗರ ಹಾಗೂ ಸುತ್ತ ಮುತ್ತಲಿನ ಸಮಾಜ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಹಾಜರಿದ್ದು ಜಯಂತ್ಯುತ್ಸವವನ್ನು ಯಶಸ್ವಿಗೊಳಿಸಬೇಕೆಂದು ತಿಳಿಸಿದರು.ಮಹಿಳಾ ವಿಶ್ವಕರ್ಮ ಸಮಾಜದ ಅಧ್ಯಕ್ಷೆ ಶೈಲಾಕ್ಷಿ ಪತ್ತಾರ ಇದ್ದರು.
About The Author
