ಬೆಂಗಳೂರು: ಕನಕದಾಸರ ಸಾಹಿತ್ಯ ಪ್ರಚಾರ ಹಾಗೂ ಪ್ರಸಾರಕ್ಕೆ ಸಲ್ಲಿಸಿರುವ ವಿಶೇಷ ಸೇವೆಯನ್ನು ಗುರುತಿಸಿ ಕಾಗಿನೆಲೆ ಅಭಿವೃದ್ಧಿ ಪ್ರಾಧಿಕಾರದ ಆಯುಕ್ತ ಮುಕ್ಕಣ್ಣ ಕರಿಗಾರ ಅವರನ್ನು 2026ನೇ ಸಾಲಿನ ಪ್ರತಿಷ್ಠಿತ ‘ಕನಕದಾಸ ಸಾಹಿತ್ಯ ರತ್ನ ಪ್ರಶಸ್ತಿ’ಗೆ ಆಯ್ಕೆ ಮಾಡಲಾಗಿದೆ ಎಂದು ಸಮಿತಿಯ ರಾಜ್ಯ ಸಂಚಾಲಕ ಮಂಜುನಾಥ ಹೊಣ್ಣನ್ನವರ ಹಾಗೂ ಗೌರವಾಧ್ಯಕ್ಷ ಸ್ವಾಮಿ ಯೋಗೇಶ್ವರಾನಂದ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಕನಕದಾಸರ ಸಾಹಿತ್ಯ ಪ್ರಚಾರ ಸಮಿತಿ, ಬೆಂಗಳೂರು ವತಿಯಿಂದ ನವೆಂಬರ್ 27ರಂದು ಕನಕದಾಸರ ಜಯಂತಿ ಪ್ರಯುಕ್ತ ನಡೆಯಲಿರುವ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ.
ಶಾಲಾ-ಕಾಲೇಜುಗಳು ಹಾಗೂ ವಿವಿಧ ಸಮುದಾಯಗಳಲ್ಲಿ ಕನಕದಾಸರ ಸಾಹಿತ್ಯದ ಕುರಿತು ಉಪನ್ಯಾಸ ಕಾರ್ಯಕ್ರಮಗಳನ್ನು ಆಯೋಜಿಸುವುದರ ಜತೆಗೆ, ಅವರ ಸಾಹಿತ್ಯದ ಕುರಿತು ಕೃತಿಗಳನ್ನು ರಚಿಸಿರುವ ಮುಕ್ಕಣ್ಣ ಕರಿಗಾರ ಅವರ ಶ್ರೇಷ್ಠ ಸೇವೆಯನ್ನು ಪರಿಗಣಿಸಿ ಸಮಿತಿಯು ಈ ಪ್ರಶಸ್ತಿಗೆ ಆಯ್ಕೆ ಮಾಡಿದೆ.
ಪ್ರಶಸ್ತಿಯು ಒಂದು ಲಕ್ಷ ರೂ. ನಗದು, ಪ್ರಶಸ್ತಿ ಪತ್ರ, ಬಿನ್ನವತ್ತಳೆ ಹಾಗೂ ಸ್ಮರಣಿಕೆಯನ್ನು ಒಳಗೊಂಡಿದೆ ಎಂದು ತಿಳಿಸಿದರು.
ಕಾಗಿನೆಲೆ ಅಭಿವೃದ್ಧಿ ಪ್ರಾಧಿಕಾರದ ಅಧಿಕಾರಿಗಳು, ಸಿಬ್ಬಂದಿಯವರಿಗೆ ನಾನು ಆಗಾಗ ಹೇಳುತ್ತಿರುತ್ತೇನೆ ‘ ನಿಷ್ಠೆಯಿಂದ ಕನಕದಾಸರ ಸೇವೆ ಮಾಡಿ.ಅವರು ನಿಮ್ಮನ್ನು ಖಂಡಿತವಾಗಿಯೂ ಅನುಗ್ರಹಿಸುತ್ತಾರೆ’ ಎನ್ನುವ ಮಾತನ್ನು. ಇಂದು ನನಗೆ ಕನಕದಾಸರ ಅನುಗ್ರಹದ ಸಾಕ್ಷಾತ್ ಅನುಭವ ಆಯಿತು. ಬೆಂಗಳೂರಿನ ರಾಮಕೃಷ್ಣ ಯೋಗಾಶ್ರಮದ ಪೂಜ್ಯ ಯೋಗೇಶ್ವರಾನಂದ ಸ್ವಾಮಿಗಳವರ ನೇತೃತ್ವದಲ್ಲಿನ ಕನದಾಸರ ಸಾಹಿತ್ಯ ಪ್ರಚಾರ ಸಮಿತಿಯು ನನ್ನನ್ನು ‘ ಕನಕದಾಸ ಸಾಹಿತ್ಯ ರತ್ನ’ ಪ್ರಶಸ್ತಿಗೆ ಆಯ್ಕೆ ಮಾಡಿದೆ.ಒಂದು ಲಕ್ಷ ರೂಪಾಯಿ ಮೊತ್ತದ ಬಿನ್ನವತ್ತಳಿಕೆ,ಸ್ಮರಣಿಕೆಗಳನ್ನು ಒಳಗೊಂಡ ಈ ಪ್ರಶಸ್ತಿಯನ್ನು ಸ್ವೀಕರಿಸಲು ನನ್ನನ್ನು ಆಹ್ವಾನಿಸಲು ಇಂದು ಬೆಳಿಗ್ಗೆ ಬೆಂಗಳೂರಿನಿಂದ ಕಾಗಿನೆಲೆಗೆ ಬಂದಿದ್ದರು ಕನಕದಾಸರ ಸಾಹಿತ್ಯ ಪ್ರಚಾರ ಸಮಿತಿಯ ಪದಾಧಿಕಾರಿಗಳಾದ ಕೃಷ್ಣ ಎಚ್ ಖಾನಾಪುರ ಮತ್ತು ಮಂಜುನಾಥ ಹೊಗ್ಗಣ್ಣನವರ್.ಅನಿರೀಕ್ಷಿತವಾಗಿ ಬಂದೊದಗಿದ ಈ ಪ್ರಶಸ್ತಿಯ ಸಂಭ್ರಮ ನನ್ನನ್ನು ಕ್ಷಣಕಾಲ ಮೂಕವಿಸ್ಮಿತನನ್ನಾಗಿಸಿತು.ಯಾವುದೇ ಪದವಿ, ಪ್ರಶಸ್ತಿಗಳ ವ್ಯಾಮೋಹದಿಂದ ಬಲುದೂರ ಇರುವ ನನಗೆ ಪ್ರಶಸ್ತಿ ಬಂದಿರುವುದು ಸಂತೋಷದ ಜೊತೆಗೆ ಆಶ್ಚರ್ಯವನ್ನುಂಟು ಮಾಡಿತು.ಆದರೂ ಕನಕದಾಸರ ಹೆಸರಿನಲ್ಲಿ ಇರುವ ಪ್ರಶಸ್ತಿ ಆಗಿದ್ದುದರಿಂದ ಕನಕದಾಸರ ಆಶೀರ್ವಾದದ ಫಲ ಇದು ಎಂದು ಕನಕದಾಸರ ಐಕ್ಯಮಂಟಪದಲ್ಲಿ ಕನಕದಾಸರ ಸನ್ನಿಧಿಯಲ್ಲಿ ವಿನಮ್ರನಾಗಿ ಪ್ರಶಸ್ತಿಯ ಆಯ್ಕೆಪುರಸ್ಕಾರ ಪತ್ರ ಸ್ವೀಕರಿಸಿದೆ”.
ಮುಕ್ಕಣ್ಣ ಕರಿಗಾರ.
ಆಯುಕ್ತರು ಕಾಗಿನೆಲೆ ಅಭಿವೃದ್ಧಿ ಪ್ರಾಧಿಕಾರ..