ಶಹಾಪುರ : ನಗರದ ಕಾಂಗ್ರೆಸ್ ಕಚೇರಿಯಲ್ಲಿ ಬಿಜೆಪಿಯ ಪ್ರಭಾವಿ ಮುಖಂಡರಾದ ಡಾ. ಮಲ್ಲನಗೌಡ ಉಕ್ಕಿನಾಳ ಇಂದು ಶಾಸಕ ಶರಣಬಸಪ್ಪಗೌಡ ದರ್ಶನಪುರ ನೇತೃತ್ವದಲ್ಲಿ ಕಾಂಗ್ರೆಸ್ ಪಕ್ಷ ಸೇರ್ಪಡೆಯಾದರು.ಪತ್ರಿಕ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಸುಮಾರು 20 ವರ್ಷಗಳಿಂದ ಬಿಜೆಪಿ ಪಕ್ಷವನ್ನು ಶಹಪುರ ಕ್ಷೇತ್ರದಲ್ಲಿ ಕಟ್ಟಿ ಬೆಳೆಸಿದ್ದೇನೆ.
ನನ್ನ ರಾಜಕೀಯ ಗುರುಗಳಾದ ಜಗದೀಶ ಶೆಟ್ಟರ ಮತ್ತು ನನ್ನ ಸಂಬಂಧಿಯಾದ ಲಕ್ಷ್ಮಣ ಸವದಿ ಯವರು ಬಿಜೆಪಿ ಪಕ್ಷದಿಂದ ಹೊರಬಂದಿದ್ದಾರೆ. ಬಿಜೆಪಿಯ ಹಿರಿಯನಾದ ನನ್ನನ್ನು ಬಿಜೆಪಿ ಪಕ್ಷವು ನಿರ್ಲಕ್ಷಿಸಿದೆ. ಕ್ಷೇತ್ರದಲ್ಲಿ 50,000ಕ್ಕೂ ಹೆಚ್ಚು ಸದಸ್ಯತ್ವವನ್ನು ಮಾಡಿಸಿದ್ದೇನೆ. ಪಕ್ಷಕ್ಕಾಗಿ ನನ್ನ ಜೀವಮಾನವನ್ನೇ ತ್ಯಾಗ ಮಾಡಿದ್ದೇನೆ.ಬಿಜೆಪಿ ಪಕ್ಷ ಕಾರ್ಯಕರ್ತರ ಪಕ್ಷ ಎನ್ನುವುದು ಶುದ್ಧ ಸುಳ್ಳು ಎಂದು ಆರೋಪಿಸಿದರು.ಬಿಜೆಪಿ ಮುಖಂಡರಾದ ಬಿ ಎಲ್ ಸಂತೋಷ್ ಸಂಸದರಾದ ಶೋಭಾ ಕರಂದ್ಲಾಜೆ ಅವರ ಬಳಿ ನನ್ನ ನೋವು ತೋಡಿಕೊಂಡರೂ ನನ್ನನ್ನು ಕಡೆಗಣಿಸಿದರು ಎಂದು ತಮ್ಮ ಅಳಲನ್ನು ತೋಡಿಕೊಂಡರು.
ನಂತರ ಮಾತನಾಡಿದ ಶಾಸಕ ಶರಣಬಸಪ್ಪಗೌಡ ದರ್ಶನಪುರ ಮಾತನಾಡಿ,ಡಾ. ಮಲ್ಲನಗೌಡ ಉಕ್ಕಿನಾಳ ರವರಿಗೆ ಕಾಂಗ್ರೆಸ್ ಪಕ್ಷದಲ್ಲಿ ಅವರ ಘನತೆಗೆ ಧಕ್ಕೆ ಬಾರದಂತೆ ನೋಡಿಕೊಳ್ಳಲಾಗುವುದು ಎಂದು ತಿಳಿಸಿದರು. ಕಾಂಗ್ರೆಸ್ ಹಿರಿಯ ಮುಖಂಡರಾದ ಶರಣಪ್ಪ ಸಲಾದಪುರ ಮರಿಗೌಡ ಹುಲ್ಕಲ್ ಶಂಕ್ರಣ್ಣ ಒಣಿಕ್ಯಾಳ್ ವಸಂತಕುಮಾರ್ ಸುರಪುರ, ಮಲ್ಲಪ್ಪ ಗೋಗಿ ಸೇರಿದಂತೆ ಹಲವು ಮುಖಂಡರು ಉಪಸ್ಥಿತರಿದ್ದರು.
About The Author
