ಮಲ್ಲಿಕಾರ್ಜುನ ಕಂದಕೂರ
ಜಿಲ್ಲಾಧ್ಯಕ್ಷ
ಬಿಜೆಪಿ ಒಬಿಸಿ ಮೊರ್ಚ
ಯಾದಗಿರಿ.
ಶಹಾಪೂರ: ಕರ್ನಾಟಕದ ಹಿಂದುಳಿದ ವರ್ಗಗಳ ಪ್ರಮುಖ ನಾಯಕ ರಾಜ್ಯಸಭಾ ಸದಸ್ಯ ಪ್ರೊ.ಎಂ.ನಾಗರಾಜ ಅವರನ್ನು ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಉಪಾಧ್ಯಕ್ಷರನ್ನಾಗಿ ನೇಮಕ ಮಾಡಿರುವುದು ರಾಜ್ಯದಲ್ಲಿ ಬಿಜೆಪಿ ಸಂಘಟನೆಗೆ ಮತ್ತಷ್ಟು ಹೊಸ ಚೈತನ್ಯ ದೊರೆತಂತಾಗಿದೆ ಎಂದು ಬಿಜೆಪಿಯ ಜಿಲ್ಲಾ ಒಬಿಜಿ ಮೊರ್ಚ ಅಧ್ಯಕ್ಷ ಮಲ್ಲಿಕಾರ್ಜುನ ಕಂದಕೂರ ಹಾಗೂ ತಾಲೂಕು ಗ್ರಾಮೀಣ ಮಂಡಲ ಯುವ ಮೊರ್ಚ ಅಧ್ಯಕ್ಷ ಮಹೇಶ್ ಕಮತಗಿ ಹರ್ಷ ವ್ಯಕ್ತಪಡಿಸಿದ್ದಾರೆ.
ಮಹೇಶ ಕಮತಗಿ ರಸ್ತಾಪುರ.
ಅಧ್ಯಕ್ಷರು
ಬಿಜೆಪಿ ತಾಲೂಕು ಗ್ರಾಮೀಣ ಮಂಡಲ
ಯುವ ಮೊರ್ಚ ಶಹಾಪುರ.
ಹಿಂದುಳಿದ ವರ್ಗಗಳ ಪ್ರಮುಖ ಸಮುದಾಯವಾದ ಕುರುಬ ಸಮಾಜದಿಂದ ಬಂದಿರುವ ಪ್ರೊ. ಎಂ. ನಾಗರಾಜ್ ಅವರಿಗೆ ರಾಷ್ಟ್ರೀಯ ಮಟ್ಟದಲ್ಲಿ ಮಹತ್ವದ ಜವಾಬ್ದಾರಿ ನೀಡಿರುವುದು ಸಂತಸದ ಸಂಗತಿ. ಅವರ ಸಂಘಟನಾ ಚಾತುರ್ಯ ಹಾಗೂ ಅನುಭವದಿಂದ ಕರ್ನಾಟಕದಲ್ಲಿ ಬಿಜೆಪಿ ಸಂಘಟನೆ ಮತ್ತಷ್ಟು ಬಲಿಷ್ಠವಾಗಲಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.