ಶಹಾಪುರ: ತಾಲೂಕಿನ ದೋರನಹಳ್ಳಿ ಗ್ರಾಮದಲ್ಲಿ ಶ್ರಾವಣ ಮಾಸದ ಅಂಗವಾಗಿ ಶ್ರೀ ಕಾಗಿನೆಲೆ ಕನಕ ಗುರುಪೀಠ ಮಹಾಸಂಸ್ಥಾನ ತಿಂತಿಣಿ ಬ್ರಿಡ್ಜ್ ಶಾಖಾ ಮಠದ ಶ್ರೀ ಲಿಂಗಭೀರದೇವ ಮಹಾಸ್ವಾಮಿಗಳ ನೇತೃತ್ವದಲ್ಲಿ ಹಾಲುಮತ ಧರ್ಮಸಭೆ ನಡೆಯಿತು.
ಸಭೆಯಲ್ಲಿ ಮಾತನಾಡಿದ ಶ್ರೀ ಲಿಂಗಭೀರದೇವ ಮಹಾಸ್ವಾಮಿಗಳು, ಹಾಲುಮತ ಸಮಾಜದ ಆರಾಧ್ಯ ದೇವರುಗಳ ಮಹಿಮೆ, ಭಂಡಾರದ ಶಕ್ತಿ, ಕಂಬಳಿ, ಜೀವಂತ ಗದ್ದುಗೆ ಹಾಗೂ ಡೊಳ್ಳಿನ ಪವಿತ್ರತೆಯ ಕುರಿತು ವಿವರಿಸಿದರು.
“ಸಮಾಜದ ಬಂಧುಗಳೇ, ಮಕ್ಕಳ ಭವಿಷ್ಯದ ದೃಷ್ಟಿಯಿಂದ ಶಿಕ್ಷಣ ಅತ್ಯಂತ ಅವಶ್ಯಕ. ಇಂದಿನ ಆಧುನಿಕ ಜೀವನದಲ್ಲಿ ಶಿಕ್ಷಣವೇ ಮುಖ್ಯವಾಗಿದ್ದು, ಯಾವುದೇ ಕಾರಣಕ್ಕೂ ಮಕ್ಕಳನ್ನು ಶಿಕ್ಷಣದಿಂದ ವಂಚಿಸಬೇಡಿ. ಮಕ್ಕಳ ಉಜ್ವಲ ಭವಿಷ್ಯಕ್ಕಾಗಿ ಅವರಿಗೆ ಉನ್ನತ ಶಿಕ್ಷಣ ಕೊಡಿಸುವುದು ಪ್ರತಿಯೊಬ್ಬ ಪೋಷಕರ ಕರ್ತವ್ಯ” ಎಂದು ಕರೆ ನೀಡಿದರು.
ಈ ಸಂದರ್ಭದಲ್ಲಿ ಮಹಾಲಿಂಗಪ್ಪ ಗಣೇರ್, ಭೀಮರಾಯ ಒಕ್ಕಳೇರ, ಚಂದ್ರಪ್ಪ ಒಕ್ಕಳೇರ, ಸಿದ್ರಾಮ ಗಣೇರ್, ಬೈಲಪ್ಪ, ಮರಿಲಿಂಗಪ್ಪ, ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ತಾಲೂಕು ಕಾರ್ಯಾಧ್ಯಕ್ಷ ಮಲ್ಲಿಕಾರ್ಜುನ ದೋರನಹಳ್ಳಿ, ರೇವಣಸಿದ್ದಪ್ಪ ಗುಂಡಾಪುರ, ದೇವಪ್ಪ ಮಾಡಿಗಿ, ಕಲ್ಲಪ್ಪಗೌಡ, ಮರಿಲಿಂಗ ಸಿ., ಮಹಾರಾಜ ಸೇರಿದಂತೆ ಸಮಾಜದ ಮುಖಂಡರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.